أفضل قصائد الحب العراقية: تحفيز العواطف بأسلوب أدبي

قصيدة: رد لي أرجوك وارحم حوالي

رد لي حبيب أرجوك وارحم حوالي

ما شـكي على مخلوق للـه سوالي

يال ما دريـت إش صار وقـف واقـلك

حـال اليـتـيـم تهـون عـن حـال خـلك

خـاف اللـه يالمريت ما كـلـمـتـنـي

لـيـتك حكيت إوياي لو شـتـمـتـنـي

قـلـبـي عـلـيـك يـنـوح ما نام لـيـلـه

مسألتي أنا وياك صارت طـويـلـه

جيتك بقايا إنسان إيدي على خدي

قـلـبـك صخـر ما لان يالعـفت ودي

ترجع تـرد الـروح يا كامل الـزيـن

أنا أرد أمـوت اليوم وتقلي بعدين

يوم أنا أخـس من يوم لـو كان تدري

هذي ثلاث شــهور منته عـلخـبـري

بعد وجفى وهموم يوم أردى من يوم

وعـيني عـلى فـراقـك ما ذاقـت النوم

لا يا وليف الـروح لا تنســـــى ودي

ما لي غرض بالناس بس إنته عندي

الما يـنـام اللـيـل عـلـه عـلى عـله

العيشة عـقـب اهواي عيشة مذله

اشكي ســهير الليل من فرقا خلي

ارفــع يديني فــوق للــه واصـلـي

أسهـر وأهل دمـوع والـدرب أدله

والمايريده أهواه عـله عـلى عـله

يـا خـلـي لا مـريـت ســلـم عـلــيـه

كـل الـسـبـب ذولاك إنا إش بـيـديه

يا خلي لـو صـديـت قـلـبي يريـدك

مـوت وحـيات الـروح يا خلي بيدك

يا سمر فراقك ليش روحي جرحها

صابر ودمع العين غصبن فضحها

يا الفارقتني الروح بعــدك جريحه

بعـــدك طريح أفراش كني ذبيحــه

قصيدة: كبل چنت من أعوفك ولو لحظات

كبل چنت من أعوفك ولو لحظات

كل لحظة التمر تنعد بألف عــــام

بس وداعتك هسه الوضع غــــير

تمرني سنين هجرك چنهن أيّــام

الجمال البيك ما منه جمال

أنت منك غار بستان الورد

أنت ربك ميزك عن العباد

من تطلع بتموز يكتلنا البرد

نسونة الجانو بنظرة يحلمون

وليش نلوم بيهم والله حقهم

ما بيهم خلل بينة الخلل جان

أنطيناهم أكبر من حجمهم

اليشوفك عمت عينه من ضواك

والمشافك عمت عينه شگد خسر

فدوة لا تطلع أخاف يفرهدوك

لأن ما منطين بالحصة شكر

إنته مو مثل البشر لا مستحيل

إنته صح شكلك بشر بس يختلف

إنته أقوى إنسان گدامك ضعيف

بنظرة من نظرات عينك يرتجف

بگلبي بروحي بعيوني أخليك

حرت ما گمت اميز وين أضمك

ومن گد ما أحبك گمت أشك بيك

ريمكن أنت ابني وأني أمك

أجه رمضان أبد لا تطلع الباب

خلي الناس يمعود يصومون

لأن وجهك عسل والنفس تدنه عليه

أخاف بشوفتك كلهم يفطرون

كلش دخت بيك منين مخلوق

إذا من طين اشكن كلش بهاي

قصيدة: أحبك حب وطن مو عشك أي إنسان

أحبك حب وطن مو عشك أي إنسان

يعني بغيبتك آني أشعر بغربة

أنا بحضنك أشم ريحة هلي وأرتاح

ومثل الموت أحسه فرگتك صعبة

أحبك موت آني والله يدري بهاي

وحب ثاني أبد كل عمري ما أدور

ضلمة تصير أحسه بغيبتك دنياي

يلي بغيرك أبد للموت ما أفكر

قصيدة: أكو واحد ما أمله

أكو واحد ما أمله

هو قلبي ونبضه كله

اصفن بعينه وأكله

حيل أحبك

أكو واحد ما أتركه

وبلايه صوته الدنيا خنكه

متفاهمين اي وأبد لا ما نختلف

حبنا عن حب هسه يعادل ألف